Тая студзеньская трагедыя шчымліва пранізвае сэрцы і праз 78 гадоў. Не замесці снягам сцежкі памяці да мемарыяла на ўскрайку вёскі Зінякі.
Вось і на гэты раз да велічнай скульптуры гаротнай жанчыны з дзіцяткам на руках прыехалі прадстаўнікі раённай улады, грамадскіх арганізацый, ветэраны і моладзь, прыйшлі мясцовыя жыхары, каб ушанаваць памяць 419 зінякоўцаў і 65 сялян з іншых вёсак, якіх 22 студзеня 1944 года фашысцкія карнікі зажыва спалілі у гумнах.
Такой была бесчалавечная помста за сувязь вёскі з партызанамі. Вядучыя мітынгу-рэквіема Галіна Люткевіч і Станіслаў Сімановіч эмацыянальна і пранікнёна ўзгадваюць падзеі таго трагічнага дня.
Читать на grodnonews.by