Таво август 13 лунӧ Краснодар край весьтын шевкнитчӧма мезоциклон. Помся шливгысь зэр вӧсна туӧмаӧсь юяс. Та мындаыс пӧ куим тӧлысьӧн киссьылӧ енэжсяньыс.
Гӧгӧр ойдӧма. Ва улӧ веськалӧмаӧсь кар-сиктъяс, кусӧма би. Татшӧм неминучаыс пӧ ветымын во сайын коркӧ вӧлӧма. Сідз шусяна чрезвычайнӧй режим йӧзӧдӧмаӧсь крайса 14 муниципалитетын, 11 кар-сиктын, кӧні олӧ 108 сюрс морт.
Спасательяс вит шойччан лагерысь челядьӧс вуджӧдӧмаӧсь мукӧдлаӧ. Ва улӧ веськалӧма и Пионерскӧй проспект, кӧні меститчӧма Коми Республикалӧн "Черноморскӧй зорька" лагер.
Читать на komiinform.ru